六點前俾閣樓既鬧鐘嘈醒，
入左浴室，諗左陣，都係決定博一鋪，
出去沖返個露天3℃熱水涼.........
因為浸浴缸好o徒時間，
而且費事搞到佢地無熱水用....

未開水時赤裸裸等熱水真係幾凍，
但開到熱水淋住就無乜野，仲幾舒服添~~~~
只係一關水喉就即刻返入浴室關門........

準時七點上車出發，個天都仲未光......
開車後，好快就落車，只係過左大馬路另一邊
呢度有好多大籠，養左幾隻班豹同獅子..........
下？Safari睇籠中獸？........流左d喎...........
雖然比起動物園，距離近得多，
但感覺始終有點不好.........

之後架車再行多一轉尋日走過既路，
相比尋日，今日少左好多動物.......
大雨過後，路亦比尋日更難行，
下山時架車仲少少失控，跣住落山.......
嚇到有些女遊客都驚叫~~~~~~

返到酒店就食埋早餐先返房執野......
十點前交匙後，同佢地行左陣精品店，
但十點半架車都未到，一問之下才知十二點先到........
唯有返餐廳抖下.........
我等到都差唔多訓著，同Lucia傾大家既旅遊經歷，
先捱到十二點上車~~~~~~
一上車問佢地今日想唔想去Camps Bay，
決定好就叫司機車我地去火車站~~~~~
開車唔使十分鐘，我地三個都訓著哂，
成個鐘後，又到尋日既油站break先醒返
但落車時好大雨，我地都係決定各自返屋企~~~~~

再起程後司機話兜少少路，帶到我地上某山路影下相~~~~
風景好靚，如果天氣再好d一定更加靚~~~~~

途中我送左張仲有廿分鐘既長途電話咭俾Lucia打俾男友，
反正我都仲要買過張~~~~~
佢地首先落車，之後再送埋兩對遊客，剩返我一個時，
我就要坐車頭帶路，因為司機唔識去我度........
又難怪既，我又唔係住酒店~~~~~~

返到屋企天氣好好，但唔使好耐又再惡劣..........
好彩最後都決定唔好姐~~~~~~

彎一彎執執床時，腰骨痛到不得了，
連我算忍得下痛既，都俾呢一下痛到撻左落床..........
可能呢兩日坐車太多，同吉普車行泥路太(登)..........
年紀大加上呢排又少左運動..........唉........

夜晚將所有相執好，upload哂上Facebook.........
條腰仲好痛，唔想再繼續坐，早d沖涼上床訓~~~~~~

九點零落左樓下買副啤牌拎去玩，
十點三樓下上車出發，依然天陰有雨.......
接埋附近另一對夫婦，就去CanalWalk接Lucia & Katie~~~
坐左兩個半鐘頭車，沿途見到兩三次彩虹~~~~~

去到目的地就check in先，我同Lucia傾緊計時，
Katie俾錢問我呢個數arm唔arm，我不以為意話ok，
唔夠五秒我醒起多左，但Katie已經碌左咭......
我即時拎返張入數紙出黎，職員竟然唔知我俾左訂......
之後要除消左再重新碌過........
我地食完Lunch先入房~~~~

間房好大，係獨立屋，仲有一層閣樓~~~
兩張單人床係上層，地下就一張兩人床，
佢地一見到就訓要訓上面~~~
ok啦，應該係最好既安排~~~~~
浴室都唔細，裡面有浴缸，浴室外就係露天花灑~~~~

經我一問之下，Lucia同Katie真係煙民，
咁就易話為啦，佢地都鬆哂，唔使再忍無秘密~~~~~
我地hea左陣，四點前就出門口去坐吉普車睇動物~~~~
開車無耐就見到有動物.........
有馴鹿、班馬、大笨象(兩隻....)、上次見唔到既犀牛~~~~
期間有兩隻犀牛發現我地，就向我地方向跑過黎.......
導遊即刻倒車一段路，當犀牛跑到我地右手邊時，
就即刻踩衡油離開........都幾驚險.......
俾佢撞一野肯定反車..........

再深入d就見到長頸鹿~~~~
停車Break左陣，再上山見到一度鐵閘，
導遊話依家開始去搵獅子.........下？
入閘後右邊山頂見到有幾隻獅子~~~~好高好遠.......
15分鐘就駛出返呢一區.......咁樣.....d獅子咪唔算野生囉.......？

行左兩個鐘左右就返酒店，返房抖抖，七點去餐廳食飯，
叫左支紅酒飲，食完野傾左好耐計~~~~
九點半過去join個非洲鼓團，有表演睇同學點打~~~~~
十點半先返入房，開副啤牌玩(明龜)同挫大dee，
完全無偏財命既我，唔賭錢都係輸足全程..........
玩到十一點半佢地一齊沖涼玩埋影相，
佢地玩到無哂熱水，要等煲返熱.....最後我都係聽朝先沖.........
十二點半佢地仲係上面唔知搞咩時，我攤上床好快就訓著......
聽朝要五點九起身..............

十一點俾電話嘈醒.......
係一個女人打黎，話係Aquila既人，
話今日接我，但搵唔到我........下？
我同佢講改左booking，而且全程都係Johnson接洽，
佢話會搵返Johnson就收線........
無耐有個男人就打黎講對唔住搞錯左，
聽日如常十點會黎接我...........
咁亂架..........

下晝開始落雨，所以無返公司........
真係好擔心聽日後日既天氣.......
晏晚睇到天氣報告，有個冷峰到左，
而且聽日會我地目的地附近..........

夜晚做好三款Dabby既Logo layout，
其中兩款我較鍾意，send埋俾佢就可以安心去玩~~~
臨訓前先執行李，只係帶條褲同衫訓覺用
想多d都唔得，個相機背囊無乜位擺其他野.......

聽朝十點樓下等~~~~~天氣依家惡劣........

今朝八點半先落樓，去左對面馬路郵局收件，
再返樓下Absa入數交Deposit，
跟手過埋FNB交工作證明先返公司~~~~

由於全日都係跟個公司folder design........
基本上係返工等放工，office內weekend mood滿瀉......

五點半前已經返到屋企，hea陣再煮飯，
由於冰格積雪唔夠凍，冰格內既豬肉有異味.......
掉左雪唔硬既豬肉先，再請教Dabby要唔要得......
照佢方法解完凍&洗左好耐，但餘下既豬肉都仲有味.......
我大力索左啖後仲有d反胃..........都係放棄，
即落樓下，買料煲粥算~~~~
所以呢排唔可以再入貨，要等清哂d野黎溶雪~~~~~~

煲好粥前要飲水同食d野先壓住個反胃感覺，
而且屋內陣臭豬味久久不散，出動埋空氣清新劑先好返d......
睇黎d豬肉真係壞到透.......
如果我仲照煮照食既話，後果不堪設想...........

完左份Presentation，無咩好做.......
做返公司個folder design，
Chad好意外我已經做左成六七款layout，
Warren睇中左一款，再改少少野後，
分part A3Print出黎，再駁紙做Actual Size Dummy......
駁紙呢招係我Design入行，第一個同事Joey教我
呢招要靠背光做，但office無燈箱檯面.......
對位對到我眼都矇........年紀大眼水唔夠.......

Lunch見無咩做，出左去剪頭髮~~~~
去返上次剪唔成，公司附近果間，
因為次次Lunch行過都見完全無客，今日亦唔例外~~~~
半個鐘就搞掂，剪得唔算好短，不過已經短左好多囉~~~

Caroline 取消星期六既booking，
亦book好星期日一既行程，聽朝要去銀行俾Deposit，
順便去我銀行，俾埋工作證明，今日先打電話黎催.......

我整埋個Folder Dummy，五點半後先走~~~~~

今晚hea下又到十二點，既然星期日先出發，
都係星期六先做Dabby Logo.........懶~~~~

大半日無停過手........帶埋個手掣俾Riccardo，
影相方面順利好多~~~~~~
阿邪有野要我幫手我都唔得閒整.........
到中午後先趕起份Presentation~~~~~

Lucia覆返我星期一請到假，
於是Caroline就幫我再收集好資料，
之後發現一個可能較嚴重既問題，
就係呢個價錢，所住既房間係三人房，
如果佢地唔想既話，我另住雙人房，
就會貴多七百幾......
嗯，Lucia應該無問題，上次佢都想留我度過夜，
係唔知Katie點姐......今晚見面先再決定~~~~

放工Ryan接我同Caroline去WaterFront，
係商場Join埋Lucia & Katie，
逛左一陣，係碼頭旁問過一間Local tour，
出船睇鯨魚只係三百幾，
但對方提及現在的確唔係好時候，唔保證一定見到......
佢地話要考慮下先~~~~~

帶左佢地紅鐘樓隔離既德國餐廳，之前已經黎過一次~~~~
坐低叫左杯德國生啤同麵包~~~~
由於係現場釀制，D啤酒好滑好新鮮~~~~~
我叫左隻脆皮咸豬手，d皮燒到脆卜卜，
但d肉又好鬆軟~~~~

佢倆個話同房無問題，雖然Katie有少少猶豫~~~~~
傾計時講開紋身，原來Lucia都有紋身，
係上次做交換生時紋既，而且同Caroline一樣係Unicorn~~~~
位置係肚臍對落偏左，不過比Caroline果隻，
就細隻好多囉，同埋好簡單.......認真麻麻地~~~~
佢想去每一處地方都紋身做紀念，所以都想係南非都紋一隻，
但南非無咩獨特style圖案.......
Caroline話會搵tattoo shops資料俾佢~~~~~~
八點半就走人，係商場兜多個圈，Caroline就車我地返屋企
當佢倆個落車後，Ryan話Lucia兩個都有食煙，係佢地自己講既~~~
哦，Lucia就唔出奇，Katie就真係睇唔出喎~~~~~

九點半左右就返到屋企，呢兩日要搞搞Dabby個Logo先......

因為網上搵唔到合適既動作圖片........
要Riccardo開隻電腦版Winning，
不停咁去攻門，為求做到靚pose影相......
好羨慕拎正牌開工打機呢~~~~~
不過無手掣，用Keyboard打得好辛苦.......
好難先有一兩相.......聽日帶個手掣返黎先~~~~

Caroline發現佢介紹既Safari地方有問題.........
呢度d動物唔算野生，只係一個有圍欄既大公園.......
佢好快咁再幫我地搵其他地方，
俾佢問到我地之前想Join果一間，
如果星期日去過一晚，星期一先返，
同只係一日星期六唔過夜既價錢，仲要平少少，
而且多一次Game Drive，仲要包食宿~~~~~
要等Lucia問到老細可唔可以星期一請假先再Book.......
Caroline問我係咪都去，我有少少猶豫，
一黎貴左，二黎要請一日假..........
Caroline話係就係貴左，但請一日假之嘛，留少一日香港囉
嗯，咁用呢日黎去Safari都值得既........真係無乜幾何........

收工帶埋部Laptop去試相機袋，
連埋個Laptop套塞入Laptop格內，
都尚算入到，必要時咪唔用套囉~~~~

收工前約左Lucia佢地聽晚去WaterFront，
因為佢地想Join團睇鯨魚，不過現在未係好時候.......
隨時空手而回，睇鯨魚變遊船河...........
即管睇下聽晚搵到d咩啦~~~~~

返到屋企，執埋相機既野入新背囊時，
先發現個相機細袋可以變做腰Bag.........
即係其實可以上機時舊電腦背囊再加相機腰Bag........
如果早d發現，我可能會考慮唔買........
仲有就係，如果旅行，呢個背囊外，仲要加多袋行李.......
因為可以放其他野既位置真係好少，除非用埋個Laptop~~~~~
不過算啦，唔買都買左，反正我都幾鍾意~~~~~

呢期d錢好似倒水咁倒...........黎緊最後半年要儲多d先.........

尋日玩足全日，訓完仲好累...........

行緊返公司時打俾Caroline，
問weekend Safari既詳情~~~~~
因為佢今日dayoff上course........

係公司再send哂有關資料俾Lucia
坐四個鐘頭車去目的地，
Join Game Drives只係R350......好平喎
同尋日搵到既R1800爭好遠.............

Lunch後Warren、Chad同我一齊出去睇Site，
又係呢期個大Project，目標物附近有座Amway大廈，
Chad搵佢老表帶我地上去office窗口影相.......
Amway......唔知香港仲有無呢？

之後做馬路天使，不斷係目標物附近既馬路穿梭，
搵位影相，有少少驚險~~~

返到公司都四點幾，做定哂聽日既準備工夫，
約左彭小姐，五點半打俾佢傾計，
彭小姐文字表達有困難(其實係懶)，傾電話就摩打咀~~~~
傾到六點半先返屋企，張咭都差唔多要買過張囉~~~~

Dabby個公司名再有新idea，今次應該confirm，
不過唔趕就遲d先整，今晚好累......七個一皮.....散哂

晏左少少起身，九點先出門口，
第一次搭的士去WaterFront，
唔跟錶盛惠R60個大洋......不過keep左的士司機個電話
話Gardens去機場收R160，平過跟錶R40~~~~

佢地遲左15分鐘，係Two Ocean門口join佢地
呢個水族館都幾多野睇，如果唔計海洋公園，
正統水族館應該係第一次參觀~~~~~
都有唔少罕見海洋生物，
最深印象都係隻巨蟹，佢企直身應該都有我膝頭咁高，
而且仲好似我尋晚玩MHP2，打果隻大岩蟹.........

行左成個幾鐘先行完，出黎係個Local tour拎左唔少資料，
搵到一個Safari團，聽日問下Caroline邊個好D~~~~

帶佢地搭巴士由WaterFront去Cape Town Station，
再買12:23既火車去Simon Town，
火車準時開車，過多幾個站開始人多.......
Lucia同Katie亦都開始緊張......
因為火車係當地交通工具中最多罪案既一種~~~~~

今次都唔例外，途中又有差佬上火車，
大約相隔住Lucia兩個人，車上有個好煩氣既阿婆，
應該有少少精神病，其他差佬都有應酬佢講野，
當阿婆行到近Lucia果個差佬時，阿婆講唔夠幾句，
差佬就拔出電棒兼啟動，發出拍勒拍勒電流聲，
阿婆就即刻走開，但我見Lucia佢地嚇到呆左.........

無耐有個好污糟下既細路坐左Lucia隔離，
我坐對面都聞到濃烈既臭味.........
個細路撩Lucia傾計，之後又同佢乞錢，
最後Lucia俾左手上支芬達俾細路.........
但細路走後，Lucia開始有d唔舒服，係咁流鼻水.......
可能車內空氣不太流通，加上個細路應該真係幾臭幾多菌........
Lucia到落車個鼻先舒服d~~~~~~

到站後，沿途上影相，經過沙灘逗留一陣再上路，
之後入左Simon Town Museum參觀，
Museum由兩個老婆婆同一隻史納沙管理，
一踏入門口，婆婆禮貌地將小冊子交給我們後~~~
接著，過百年既Simon Town歷史就呈現眼前~~~~~
由兩百多年前Simon Town的名字由來，
到世界大戰時遺物，及近代的古董，應有盡有~~~~
每件物品我們都仔細看及影相，
連遲過我們入場的一家人，都比我們更早離開......
估不到用了個多小時才完成參觀......而入場費只是R5而已~~~~~

兩時多去碼頭食Fish & Chip，可能肚餓關系......好好味~~~~
時間太緊湊，所以決定趕回Camps Bay睇日落，
繼續係Simon Town慢慢Hea~~~~~
因為兩人腳程較慢同較累，放棄去海灘.......
佢地去完精品店買手信後，五時多坐上火車回Cape Town~~~~
一小時車程，我叫她們休息一下，我就繼續監視以防小偷.........

兩人都太累，原想回WaterFront逛都除消，改為上我度食飯，
但行到半路時，Lucia食完藥後胃痛發作.........
唯有先到油站買餅食住先，捱到我屋企，
佢已經痛到彎腰，要係梳化訓低休息，
Lucia問可唔可以煲白粥，等我就開蜜糖水俾佢，
再煲熱鮮奶俾埋佢，先開始極速下煲白粥~~~~~
Katie就掛住用我電腦上網.......
突然覺得，佢倆個感情唔似好深........
似是湊巧一同選上黎Internship既同學仔而已..........
返到黎，我由七點開始就忙到九點，一邊照顧Lucia，
一邊煲白粥，D粥攪左好耐先開始綿~~~~~
九點Lucia醒左起身食粥，話已經好返好多........
咁我終於可以坐低抖下..............
佢地又係十點左右，送佢地落樓下上電召的士返酒店~~~~~
我返到上樓，先發現自己疲到九彩.......
攤低都唔想再郁~~~~~
最後都死去沖埋涼早D訓.........

十點起身，食完早餐就落銀行~~~~~
好快就埋到counter，但搞左好耐.......
之後話唔見左我file，又要帶人上去我度，
confirm我住址先可以出返張咭........
足足搞左個幾鐘.........

點零鐘上返去無耐，Lucia打黎，
話今日又改左行程，依家係Table Mountain，
晏D落黎搵我~~~~叫我諗下夜晚有咩搞？
呢頭夜晚無咩搞架喎.......
既然佢地黎就開包 [猴頭菇螺片湯]黎煲先~~~~~

五點零佢地先話落緊山，樓下join左佢地，
就帶佢行落downtown，沿途經過松鼠公園，
St George Mall Street，Long Street~~~
松鼠公園好彩又撞到隻白松鼠，不過我無帶相機
Lucia問我聽日得唔得閒，一齊去玩，
依家佢地無人會帶佢地，可以自由活動~~~~
最後決定聽日行程首先去TwoOcean Aquarium，
再帶佢地去坐火車去Simon Town，
回程再殺入Camps Bay睇日落........行程好緊逼......

係Long Street入左間精品店，
入面別有洞天四通八達，穿過鋪頭，
地庫入面仲有十幾廿間鋪，全部係賣手信精品
基本上係一個小商場...........
呢度逗留左成個鐘，佢地買左唔少手信~~~~

之後再行返上我公司附近，
去[新同樂]買飯同壽司返屋企食~~~~~

上到我度，佢地勁鍾意窗外風景~~~~~~~
果然呢度真係可以成為Cape Town景點之一..............

飲完湯再食飯，佢地都食唔哂，
食淨幾舊壽司俾我做宵夜~~~~~
我屋企有得上網，佢地玩到都唔願走，
我話妳地唔介意可以係度訓，咁聽朝可以一齊出發，
Lucia就勁想留低，佢話尋晚玩完係老細度訓，
無訓涼都無所謂，但Katie就頂唔順要返去酒店補給~~~

十點半佢地走，叫左相熟的士接佢地返酒店
約左聽朝九點半WaterFront等~~~~~
兩日weekend都又無得喪訓添.........